કેજરીવાલે વડા પ્રધાન અને મુખ્યમંત્રીઓની બેઠક, જીવંત પ્રસારણ કરવા માટે ખેદ વ્યક્ત કર્યો ..

નવી દિલ્હી, 23 એપ્રિલ ( હિ.સ.) વડા પ્રધાન અને મુખ્યમંત્રીઓની બેઠક ને લાઇવ પ્રસારણ કરવા માટે દિલ્હી સરકાર ની સ્થિતિ શરમજનક થઇ. વડા પ્રધાન નરેન્દ્ર મોદીએ ખુદ આમ કરવા સામે, વાંધો વ્યક્ત કર્યો છે. આ પછી આ સમગ્ર વિષય પર મુખ્યમંત્રી કાર્યાલય તરફથી ખુલાસો થયો છે. જેમાં તેમના વતી કહેવામાં આવ્યુ છે કે, 'અમને આવી કોઈ સૂચનાઓ મળી નથી કે, અમે મીટીંગ ને લાઈવ બનાવી ન શકીએ. જો તે પછી કોઈ સમસ્યા ઊભી થાય છે, તો અમે તેના માટે માફી માંગીએ છીએ." નોંધનીય છે કે, દેશમાં વધી રહેલા કોરોના કેસને કારણે, શુક્રવારે વડા પ્રધાન નરેન્દ્ર મોદી અને દેશના તમામ કોરોના પ્રભાવિત મુખ્ય પ્રધાનો સાથે, બેઠક મળી હતી. વીડિયો કોન્ફરન્સિંગ દ્વારા આ બેઠકમાં દિલ્હીના મુખ્યમંત્રી અરવિંદ કેજરીવાલે, વડા પ્રધાન પર સવાલ ઉઠાવતા કહ્યુ કે, " દિલ્હીમાં ઓક્સિજનની ભારે અછત છે. જો ત્યાં કોઈ ઓક્સિજન ઉત્પન્ન કરનાર પ્લાન્ટ ન હોય, તો શું દિલ્હીના લોકોને ઓક્સિજન મળશે નહીં ? મહેરબાની કરીને સૂચવો કે, મારે કેન્દ્ર સરકાર માં કોની સાથે વાત કરવી જોઈએ ? જ્યારે દિલ્હી માટેના ઓક્સિજન ટેન્કર, બીજા રાજ્યમાં રોકવામાં આવે છે ? ' કેજરીવાલે અહીંથી અટક્યા નહીં, વડા પ્રધાનને અપીલ કરતાં કહ્યુ કે, 'ઓક્સિજનની અછત ઘણી વધારે છે. સરકારે દેશના ઓક્સિજન પ્લાન્ટનો કંટ્રોલ લઈને, તેને સેનાને સોંપવો જોઈએ. જેથી બધા રાજ્યોને તરત ઓક્સિજન મળી શકે. ' મુખ્યમંત્રીએ અપીલ કરી છે કે, " ઓક્સિજન એક્સ્પ્રેસ ની સુવિધા દિલ્હીમાં પણ શરૂ થવી જોઈએ. દેશમાં દરેકને સમાન ભાવે રસી મળવી જોઈએ. કેન્દ્ર અને રાજ્યને અલગ ભાવે રસી ન મળવી જોઈએ.' જો કે, આ પહેલીવાર નથી જ્યારે દિલ્હી સરકારે, રાષ્ટ્રીય રાજધાનીમાં ઓક્સિજનના અવક્ષયનો મુદ્દો ઉઠાવ્યો છે. આ પહેલા પણ દિલ્હીના મુખ્યમંત્રીએ પડોશી રાજ્યો પર, ઓક્સિજનનો સપ્લાય બંધ કરવાનો આરોપ લગાવ્યો છે. નોંધનીય છે કે, દિલ્હીમાં કોરોનાને કારણે થયેલા મૃત્યુના તમામ રેકોર્ડ તૂટી ગયા છે. ગુરુવારે મળેલા આંકડા મુજબ છેલ્લા 24 કલાકમાં દિલ્હીમાં 306 લોકોનાં મોત નીપજ્યાં છે. તે જ સમયે, કોરોના થી સંક્રમિત લોકોની સંખ્યા 26,169 પર પહોંચી ગઈ. તે જ સમયે, સંક્રમણ ના દરમાં, અભૂતપૂર્વ ઉછાળો 36.24 ટકા રહ્યો છે. હિન્દુસ્થાન સમાચાર / શ્વેતાંક / માધવી